cesarean-aagiddare-idannu-odalebeku-1

ಬಹಳಷ್ಟು ತಾಯಂದಿರಲ್ಲಿ ಸಿಸೇರಿಯನ್ ಅಥವಾ C – ಸೆಕ್ಷನ್ ಬಗ್ಗೆ ಗೊಂದಲ, ಭಯ ಇರುತ್ತದೆ. ಏಕೆಂದರೆ ಇದು ತುಂಬಾ ಸಾಮಾನ್ಯ ಆಗಿದ್ದರು, ಇದು ಒಂದು ಗಂಭೀರ ಸರ್ಜರಿ ಆಗಿರುತ್ತದೆ. ನಿಮ್ಮ ಉದರ ಮತ್ತು ನಿಮ್ಮ ಗರ್ಭಕೋಶದ ಸರ್ಜರಿಯ ಗಾಯಗಳು ಮಾಸುವವರೆಗು ನಿಮಗೆ ಕಷ್ಟ ಆಗಬಹುದು. ಆದರೆ ನೀವು ನೈಸರ್ಗಿಕವಾಗಿ ಹಾಗು ವೇಗವಾಗಿ ಚೇತರಿಸಿಕೊಂಡು ಗುಣಮುಖರಾಗಲು ನಾವು ಇಲ್ಲಿ ನೀಡುತ್ತಿರುವ ಸಲಹೆಗಳನ್ನ ಓದಿ :

೧. ಮುನ್ನೆಡೆಯುತ್ತಿರಿ

ಇದು ಕೇಳುವುದಕ್ಕೆ ವಿಚಿತ್ರ ಅನಿಸಬಹುದು, ಆದರೆ ನೀವು ನಡೆಯುತ್ತಲೇ ಇರಬೇಕು. ನಿಮ್ಮ ದೇಹದ ಬಗ್ಗೆ ಸೂಕ್ಷ್ಮವಾಗಿರಿ, ಆದರೆ ಬಹಳ ಹೊತ್ತು ಕೂತಲ್ಲೇ ಕೂರದೆ ಓಡಾಟ ಮಾಡಿ ನಿಮ್ಮ ಸ್ನಾಯುಗಳಿಗೆ ಕೆಲಸ ಕೊಡುತ್ತಿರಿ. ಓಡಾಡುವುದರಿಂದ ನಿಮ್ಮ ದೇಹದಲ್ಲಿನ ರಕ್ತ ಸಂಚಾರ ವೃದ್ಧಿಸುತ್ತದೆ ಹಾಗು ನೀವು ಬೇಗನೆ ಚೇತರಿಸಿಕೊಳ್ಳುವಂತೆ ಮಾಡುತ್ತದೆ.

೨. ಎದೆಹಾಲು ಉಣಿಸುವ ಭಂಗಿಯನ್ನ ಬದಲಾಯಿಸುತ್ತಿರಿ

ನಿಮಗೆ ಹಾಕಿದ ಹೊಲಿಗೆಗಳು ನೀವು ಎದೆಹಾಲು ಉನಿಸುವುದಕ್ಕೆ ಅಡ್ಡಿ ಮಾಡಬಹುದು ಹಾಗು ಒಂದೇ ಸ್ತನದಿಂದ ಹಾಲು ಉಣಿಸುವುದು ನಿಮ್ಮ ಸುಧಾರಣೆಗೆ ಅಡ್ಡಿ ಆಗಬಹುದು. ನಿಮ್ಮ ಹೊಲಿಗೆಗಳು ನೀವು ಎದೆಹಾಲು ಉಣಿಸುವುದಕ್ಕೆ ಅಡ್ಡಿ ಮಾಡಬಾರದೆಂದು ನೀವು ಹಾಲುಣಿಸುವ ಭಂಗಿಯನ್ನ ಆಗಾಗ್ಗೆ ಬದಲಾಯಿಸುತ್ತಿರಬೇಕೆಂದು ನಾವು ಸಲಹೆ ನೀಡುತ್ತೇವೆ.

೩. ನಿಮ್ಮ ಗಾಯವನ್ನ ಶುಚಿಗೊಳಿಸಿ ಒಣಗಿಸಿ

ಇದು ತುಂಬಾನೇ ಮುಖ್ಯ ! ನಿಮ್ಮ ಗಾಯದ ಮೇಲಿನ ಡ್ರೆಸ್ಸಿಂಗ್ ಅನ್ನು ವೈದ್ಯರು ತೆಗೆದ ಮೇಲೆ ನೀವು ಆ ಭಾಗವನ್ನು ನೀರಿನಿಂದ ತೊಳೆದು ಶುಚಿಯಾಗಿ ಇಡಬೇಕು. ನೀವು ಸರಿಯಾಗಿ ಎಲ್ಲವನ್ನೂ ಒರೆಸಿಕೊಳ್ಳುತ್ತೀರ ಎಂದರೆ ಮಾತ್ರ ಆ ಭಾಗಕ್ಕೆ ಸೋಪ್ ಹಚ್ಚಿ. ಈ ಭಾಗವನ್ನ ಒರೆಸಿಕೊಳ್ಳಲು ನೀವು ಬೇರೇ ಭಾಗಳಿಗೆ ಉಜ್ಜುವಂತೆ ಮಾಡದೆ, ಆ ಭಾಗದ ಮೇಲೆ ಮೆಲ್ಲನೆ ಬಟ್ಟೆ ಇಂದ ತಟ್ಟುತ್ತಾ ಒರೆಸಿ. ಇಂತಹ ಗಾಯಗಳು ತುಂಬಾ ಸೂಕ್ಷ್ಮವಾಗಿದ್ದು, ಸೋಂಕಿಗೆ ತುತ್ತಾಗುವ ಸಾಧ್ಯತೆಗಳು ಹೆಚ್ಚಿರುತ್ತದೆ.

೪. ಅಗತ್ಯ ಬಿದ್ದರೆ ನೋವು ನಿವಾರಕ (painkiller) ಔಷಧಿಗಳನ್ನ ಸೇವಿಸಿ

ನಿಮ್ಮ ಹೇರಿಗೆಯಾದ ಎರಡು ವಾರಗಳವರೆಗೆ ನಿಮಗೆ ಸ್ವಲ್ಪ ನೋವಿನಿಂದ ಹಿಡಿದು ತೀವ್ರ ನೋವು ಕೂಡ ಆಗುವ ಸಾಧ್ಯತೆ ಇರುತ್ತದೆ. ನಿಮ್ಮ ನೋವಿನ ಶಮನಕ್ಕಾಗಿ ನಿಮ್ಮ ವೈದ್ಯರೊಡನೆ ಮಾತಾಡಿ ನೋವು ನಿವಾರಕ ಔಷಧಿಗಳನ್ನ ಸೇವಿಸಬಹುದು.

೫. ಸರಿಯಾಗಿ ತಿನ್ನಿ

ಹೌದು, ನೀವು ಬೇಗ ಚೇತರಿಸಿಕೊಳ್ಳಲು ಸರಿಯಾಗಿ, ಸರಿಯಾದುದನ್ನ ತಿನ್ನಬೇಕು. ನಿಮ್ಮ ದೇಹವು ಪೋಷಕಾಂಶಗಳ ಕೊರತೆಯನ್ನು ಎದುರಿಸುತ್ತಿದ್ದು, ನೀವು ಅವುಗಳು ಸರಿಯಾದ ಪ್ರಮಾಣದಲ್ಲಿ ಲಭ್ಯವಾಗುವಂತೆ ನೋಡಿಕೊಳ್ಳಬೇಕು. ವಿಟಮಿನ್ C ಉಳ್ಳ ಆಹಾರಗಳನ್ನ ಹೆಚ್ಚು ಸೇವಿಸಿ, ಏಕೆಂದರೆ ಇದರಲ್ಲಿ ನಿಮಗೆ ಬೇಕಾಗಿರುವ ಒಮೇಗಾ-3 ಕೊಬ್ಬಿನಾಮ್ಲ ಇರುತ್ತದೆ. ಕೆಂಪು ಮಾಂಸವನ್ನ ತ್ಯಜಿಸಿ ಹಾಗು ಕೇವಲ ಚಿಕೆನ್, ಸಾಲ್ಮನ್ ಸೇವಿಸಿ.

೬. ಭಾರ ಎತ್ತಬೇಡಿ

ಹೆರಿಗೆಯ ನಂತರ ಕೆಲವು ವಾರಗಳವರೆಗೆ ನೀವು ಭಾರವನ್ನ ಯಾವುದೇ ಕಾರಣಕ್ಕೂ ಎತ್ತಬಾರದು. ಸಾಧ್ಯವಾದರೆ ನಿಮ್ಮ ಮಗುವನ್ನು ಮೇಲೆತ್ತಿಕೊಂಡು ಕೆಳಗೆ ಒಂದು ದಿಂಬು ಇಟ್ಟುಕೊಂಡು ಎದೆಹಾಲು ನೀಡಿ.

೭. ಲೈಂಗಿಕ ಕ್ರಿಯೆ ಬಗ್ಗೆ ಎಚ್ಚರವಿರಲಿ

C – ಸೆಕ್ಷನ್ ಗೆ ಒಳಗಾದ ಹೆಣ್ಣುಮಕ್ಕಳು ಸಂಭೋಗದ ಸಮಯದಲ್ಲಿ ಹೆಚ್ಚು ನೋವನ್ನು ಅನುಭವಿಸಿದಾಗಿ ಹೇಳಿಕೊಂಡಿದ್ದಾರೆ. ನಿಮ್ಮ ಶ್ರೋಣಿ(pelvic)ಯ ಸ್ನಾಯುಗಳು ಹೆರಿಗೆ ನಂತರ ಬಹಳ ಒತ್ತಡದಲ್ಲಿ ಇರುತ್ತವೆ ಹಾಗು ಇದರಿಂದ ಸ್ನಾಯು ಸೆಳೆತ ಹಾಗು ನೋವು ಉಂಟಾಗುತ್ತವೆ.    

Leave a Reply

%d bloggers like this: