mothers-insomia-problem-solution

பெரும்பாலான தாய்மார்கள், குழந்தைகளையும், குடும்பத்தையும் கவனிப்பதிலேயே, தங்கள் நேரத்தை செலவிட்டு, தங்களை மறக்கின்றனர். தாய்மார்கள் மிஞ்சிய உணவினையும், கிடைத்த நேரத்தில் கோழித்தூக்கம் தூங்கியும் தங்கள் பொழுதைக் கழிக்கின்றனர். எந்தவொரு உயிரினத்திற்கும், உறக்கம் அவசியம்; அப்படி இருக்கையில் எல்லோரையும் கவனிக்கும் தாய்மார்களே! உங்களுக்கும் உறக்கம் மிக அவசியம்.

பல தாய்மார்கள், பெற்றோர்கள் சந்திக்கும் தூக்கமின்மை பிரச்சனைக்கான தீர்வு குறித்து, இப்பதிப்பில் காணலாம்…. 

1. தினமும் எட்டு மணி நேரம் தூக்கம்

தூக்கம் ஒருவருக்கு ஒருவர் மாறுபடும். ஒருநாளில் எட்டு அல்லது குறைந்தபட்சம் ஆறுமணி நேரத் தூக்கம் அவசியம். இந்த நேரம் குறைந்தால், இதய நோய் அல்லது புற்றுநோய் வர வாய்ப்பு உள்ளது. நீண்ட நேரம் தூங்குபவர்களுக்கும், இது தொடர்பான வாய்ப்பு அதிகம்.

தூக்கத்தால் அவதிப்படுபவர்கள் ஒரு வாரம் வரை தூங்கும் நேரத்தை ‘டயரி’யில் குறிப்பெடுத்து வைத்துக் கொள்ளலாம். அதன்படி எழுந்திருக்கும்-தூங்கும் நேரத்துக்கும் இடையில் இருக்கும் இடைவெளியை குறித்துக் கொள்வது அவசியம். தூக்க ஊக்கிகள் பயன்படுத்தாமல் தூக்கம் வருகிறதா என்பதை உறுதி செய்து கொள்வதும் அவசியம்.

2. பிற்பகல் தூக்கம்

தினமும் ஏழு மணி நேரம் மட்டுமே தூங்கும் பழக்கம் இருந்தாலும், மீதியிருக்கும் ஒருமணி நேரத்தை உடல் ஈடு செய்ய விரும்பும். சிலர் அதனை ஈடு செய்யும் விதமாகப் பகலில் குட்டித் தூக்கம் போடுவார்கள். இருப்பினும் நாள்பட்ட தூக்கமின்மையால் உயர் ரத்த அழுத்தம் ஏற்பட வாய்ப்பு உண்டு. வயதானவர்களாக இருந்தால், சிறுநீரக செயலிழப்பு உண்டாகும் வாய்ப்பும் அதிகம்.

3. சீக்கிரம் படுக்கச் செல்லுதல்

பொதுவாக தூக்கமின்மைக்கு நிறைய காரணங்கள். தூக்கம் வரவில்லையே என்பதற்காகப் படுக்கை அறைக்குச் செல்லவே சிலர் விரும்புவதில்லை. நமக்குத்தான் தூக்கம் வருவதில்லையே என்ற எரிச்சல். இது தவறு. மாறாக தூக்கமின்மைக்கான காரணம் என்ன என்பதைக் கண்டறிந்து, அதை நிவர்த்தி செய்ய வேண்டும்.

மது, காபி, மனஅழுத்தம், மனச்சோர்வு, பதற்றம்… உள்ளிட்டவையும் தூக்கமின்மைக்குப் பொதுவான காரணங்கள்.

சரி செய்ய என்ன செய்யலாம்?

1. தூக்கம் வருவதற்கு உரிய சில எளிய பயிற்சிகள் மேற்கொள்ளலாம். உதாரணமாக எண்களை மனதிற்குள் சொல்வது, எளிதான மூச்சுப் பயிற்சியில் ஈடுபடுவது…

2. சுவாரஸ்யமில்லாத புத்தகங்கள் படிப்பது..,

3. படுக்கச் செல்லுமுன் வெதுவெதுப்பான தண்ணீரில் குளிக்கலாம். இதன்மூலம் தசைகள் இலகுவடையும். உடல்சூடு குறையும்.

4. தொடர்ந்து தூக்கமின்மை இருந்தால், மருத்துவரின் அறிவுரைப்படி மாத்திரைகள் எடுத்துக் கொள்ளலாம்.

5. உடற்பயிற்சி காலையில் செய்யலாம். படுக்கப் போகும் முன்பு செய்யலாம். நிச்சயமாக இது பலனளிக்கும்.

குட்டித் தூக்கம்

தூக்கமின்மை இருப்பவர்களுக்கு அவ்வப்போது ‘குட்டித் தூக்கம்’ வரும். இதனால் ஓரளவு சமாதானம் அடையலாம். இரவில் வேலை செய்பவர்களுக்கு, தூங்குவதற்கு வாய்ப்பில்லை. அதனால் குட்டித் தூக்கம் போடுவதில் தவறில்லை. அதற்காக, பலமணி நேரம் ‘குட்டித் தூக்கம் போடாமல் இருப்பது நல்லது.

தூக்கமின்மை – பணிகள் 

1. இரவில் இரண்டு மணி நேரத் தூக்கம் பாதித்தால், மறுநாள் உடலில் அசதி ஏற்படும். சுறுசுறுப்பாக இயங்க முடியாது.

2. தொடர்ந்து ஒருவாரம் வரை இப்படியே இருந்தால், உடல் சூடு அதிகரிக்கும். அதைத் தவிர்ப்பது முக்கியம்.

3. சிலர் கடுமையான வேலைகளுக்கு இடையில் அன்றாடம் ஒரு குட்டித் தூக்கம் மட்டும் போடுவது உண்டு. தூக்கமின்மை பாதிப்பு இருப்பவர்கள் தவிர, மற்றவர்களுக்கு இந்த முறை மிகவும் மோசமான பின்விளைவுகளை ஏற்படுத்தும்.

4. எத்தனை வேலைப்பளு இருந்தாலும் முடிந்தவரை தினமும் இரவில் தூங்குவது அவசியம். வேறு வழியில்லை என்றால், குட்டித் தூக்கம் போட்டாவது நிலைமையைச் சமாளிப்பது முக்கியம்.

Leave a Reply

%d bloggers like this: