ನಿಮ್ಮ ಮೂರನೇ ತ್ರೈಮಾಸಿಕದಲ್ಲಿ ಆರಾಮವಾಗಿ ನಿದ್ರಿಸಲು ಸಲಹೆಗಳು

ಪ್ರಸವದ ಕೊನೆಯ ಮೂರು ತಿಂಗಳಾಗುವಷ್ಟರಲ್ಲಿ ಶರೀರವು ದಪ್ಪ ಆಗುವುದರಿಂದ ಮೊದಲಿನಂತೆ ಆರಾಮದಾಯಕ ನಿದ್ದೆಯಂತೂ ಕನಸಿನ ಮಾತು. ಪ್ರಸವದ ನಂತರದ ಶಿವರಾತ್ರಿಯ ಜಾಗರಣೆ ಆಗಲಿರುವಂತಹ ನಿಮ್ಮ ನಿದ್ರೆಯ ಸಮಯ ದಿನಕ್ಕೆ ಎಂಟು ಗಂಟೆಗಳಾಗಿರಲೇಬೇಕು.

ಗರ್ಭ ಕಾಲದ ಕೊನೆಯ ಮೂರು ಮಾಸಗಳಲ್ಲಿ ಆರಾಮವಾಗಿ ನಿದ್ರಿಸಿರುವ ಕೆಲವು ಸಲಹೆಗಳನ್ನು ಪಟ್ಟಿ ಮಾಡಲಾಗಿದೆ.

೧.ಮಲಗುವ ಹದಿನೈದು ನಿಮಿಷಗಳ ಮುನ್ನ ಮನಸ್ಸನ್ನು ಸ್ಥಿಮಿತದಲ್ಲಿಟ್ಟುಕೊಳ್ಳಿ. ಮನಸ್ಸಿಗೆ ಮುದ ನೀಡುವಂತಹ ಸಂಗೀತ ಅಥವಾ ಯೋಗದಿಂದ ಮನಸ್ಸನ್ನು ಪ್ರಶಾಂತವಾಗಿಟ್ಟುಕೊಳ್ಳಿ. ಮಲಗುವ ಮುನ್ನ ಮನಸ್ಸನ್ನು ಸಂತೋಷವಾಗಿರಿಸಿ.

೨.ಮೆಟರ್ನಿಟಿ ಸ್ಟೋರ್ಸ್ ಗಳಲ್ಲಿ ಲಭ್ಯವಾಗಿರುವ C ಆಕಾರದ ತಲೆದಿಂಬುಗಳನ್ನುಖರೀದಿಸಿ. ಇಂತಹ ತಲೆದಿಂಬುಗಳು ನಿಮ್ಮ ಬೆನ್ನಿಗೆ ಆರಾಮ ನೀಡುವುದರೊಂದಿಗೇ ಸುಖ ನಿದ್ರೆಯನ್ನೂ ದಯಪಾಲಿಸುತ್ತದೆ.

೩.ಮಲಗುವಾಗ ದೊಗಲು ದೊಗಲಾದ ಸರಳ ಬಟ್ಟೆಗಳನ್ನು ಧರಿಸಿರಿ. ಬಿಗಿಯಾದ ಉಡುಪುಗಳನ್ನು ಧರಿಸುವುದರಿಂದ ನಿದ್ರೆಗೆ ತೊಂದರೆಯಾಗುವುದು.

೪.ಗರ್ಭಿಣಿಯರು ತಮ್ಮ ಎಡಪಕ್ಕದಲ್ಲಿ ತಿರುಗಿ ಮಲಗುವುದು ಉತ್ತಮವೆಂದು ಶಿಫಾರಸು ಮಾಡಲಾಗಿದೆ. ಎರಡು ಕಾಲುಗಳ ನಡುವೆ ತಲೆದಿಂಬನ್ನಿಟ್ಟು ಮಲಗಿಕೊಳ್ಳುವುದು ಆರಾಮದಾಯಕ ನಿದ್ರೆಗೆ ಸಹಾಯವಾಗುವುದು.

೫.ಹಾಸಿಗೆಯಲ್ಲಿ ಉರುಳಾಡಿಯೂ, ನಿದ್ದೆ ಬಾರದೆಂದಾದರೆ, ಜಾರು ಕುರ್ಚಿ ಅಥವಾ ಸೋಫಾಗಳನ್ನು ಸುಖನಿದ್ರೆ ಹಂಚಿಕೊಳ್ಳಬಹುದು.

೬.ಮಲಗುವ ಮುನ್ನ ಸರಳ ಆಹಾರಗಳನ್ನು ಸೇವಿಸಿರಿ. ಎದೆಯುರಿಯನ್ನುಂಟು ಮಾಡುವಂತಹ ಖಾರ ಖಾದ್ಯಗಳನ್ನು ರಾತ್ರಿ ವೇಳೆಯಲ್ಲಿ ವರ್ಜಿಸುವುದು ಒಳಿತು.

೭.ದಣಿದ ಶರೀರವು ಬೇಗನೆ ನಿದ್ರೆಗೆ ಶರಣಾಗುವುದೆಂದು ಎಲ್ಲರಿಗೂ ತಿಳಿದಿದೆ. ಅಗತ್ಯವೆನಿಸಿದರೆ ನುಡಿತ ಪಟುಗಳ ಸಾನ್ನಿಧ್ಯದಲ್ಲಿ ವ್ಯಾಯಾಮಗಳನ್ನು ಪರೀಕ್ಷಿಸಬಹುದು. ಇದರಿಂದ ಶರೀರಕ್ಕೆ ಅಗತ್ಯವಾದ ಆಮ್ಲಜನಕ ದೊರಕುವುದಲ್ಲದೆ, ಶರೀರವು ದಣಿದು ಬೇಗನೆ ನಿದ್ರಿಸಬೇಕೆಂದೆನಿಸುವುದು.

Leave a Reply

%d bloggers like this: